រយៈពេល​១០ឆ្នាំ​ចុងក្រោយនេះ ​វិស័យ​អប់រំ​កម្ពុជា ​ពិសេស​កំរិត​បឋមភូមិ ​និង​កំរិត​ទុតិយភូមិ​មានការ​រីកចម្រើន​គួរឲ្យ​កត់សម្គាល់​។ នេះបើតាម​ការអះអាង​របស់​រដ្ឋាភិបាល។ ​តែនៅក្នុង​ក្រសែភ្នែក​អ្នកពាក់ព័ន្ធ​នឹងការសិក្សា​អប់រំ​មួយចំនួន​វិញ ​វិស័យអប់រំ​កម្ពុជា​នៅមាន​ភាព​យឺតយ៉ាវ​ជាងគេ ​ធៀបនឹង​ប្រទេស​មួយចំនួន​នៅក្នុង​តំបន់​។ ​លោកគ្រូ ​អ្នកគ្រូ​សម្រាប់​ថ្នាក់​ក្រោម​ឧត្តមសិក្សា​នៅតែ​ចល័ត​ពី​សាលារដ្ឋ​ទៅបំពេញ​បន្ថែមម៉ោង​បង្រៀន​នៅតាម​បណ្តាសាលា​ឯកជន​ដើម្បី​បំប៉ន​សេដ្ឋកិច្ច​គ្រួសារ​។ ទង្វើបែបនេះ​ត្រូវបាន​រិះគន់​ពីគុណភាព​បង្រៀន​របស់​លោកគ្រូ ​អ្នកគ្រូ​នៅសាលា​រដ្ឋ​។ តើល្មម​ដល់ពេល​ដែល​ត្រូវ​ញែក​ឲ្យដាច់​រវាង​គ្រូបង្រៀន​នៅ​សាលារដ្ឋ ​និង​សាលា​ឯកជន​ដើម្បី​ធានា​គុណភាព​អប់រំ​ ឬ​យ៉ាងណា​?