ការ​ផ្តល់​សេវា​ឥណទាន​ ឬ​កម្ចី​ខុស​ច្បាប់​កំពុង​កើត​មាន​យ៉ាង​អនាធិប​តេយ្យ​នៅ​កម្ពុជា​ មិន​ថា​នៅ​តាម​ប្រព័ន្ធ​អន​ឡាញ​ ឬ​តាម​ខ្នង​ផ្ទះ​របស់​ប្រជាជន​ឡើយ​។​ កម្ចី​ក្រៅ​ប្រព័ន្ធ​នេះ​គឺ​មាន​ការ​ប្រាក់​ខ្ពស់​ចម្លោះ​ពី​១០ ​ទៅ​២០​ភាគរយ​។​ ចំណែក​អ្នក​ខ្ចី​ខ្លះ​ត្រូវ​ទទួល​រង​ហិង្សា ​ឬ​ការ​គំរាម​បញ្ចេញ​រូប​ភាព​អាស​អាភៀស ​បើ​មិន​ព្រម​សង​បំណុល​។​ នេះ​បើ​តាម​សមាគម​គ្រឹះ​ស្ថាន​មីក្រូ​ហិរញ្ញ​វត្ថុ​កម្ពុជា​ ខណៈ​ធនារគារ​ជាតិ​ និង​ក្រសួង​មហា​ផ្ទៃ ​ទទួល​ស្គាល់​បញ្ហានេះ​ថា​កំពុង​តែ​កើត​មាន​គួរ​ឲ្យ​បារម្ភ​។​ តើ​ការ​ផ្តល់​ប្រាក់​កម្ចី​ខុស​ច្បាប់​ជាប់​ពាក់​ព័ន្ធ​នឹង​ការ​លាង​លុយ​កខ្វក់​?