ប្រ​មុខ​រដ្ឋា​ភិ​បាល​កម្ពុជា​បាន​បញ្ជា​ឲ្យ​អាជ្ញាធរ​បញ្ចេញ​រថយន្ត​ក្រុង​ជាង​៣០០​គ្រឿង​ដើម្បី​កម្មករ​ទៅ​បោះ​ឆ្នោត​នៅ​ថ្ងៃ​ទី​២៣​កក្កដា​។​ នេះ​ជា​ករណី​កម្រ​មួយ​ដែល​រដ្ឋាភិបាល​ជួយ​សម្រួល​ការ​ធ្វើ​ដំណើរ​របស់​កម្មករ​ឲ្យ​បាន​ទៅ​បោះ​ឆ្នោត​។​ អ្នក​ឃ្លាំ​មើល​ការ​បោះ​ឆ្នោត​ លើក​ឡើង​ថា ​ការ​ប្រើ​មធ្យោ​បាយ​រដ្ឋ​ដឹក​អ្នក​ទៅ​បោះ​ឆ្នោត​មិន​ខុស​ច្បាប់​ទេ​នោះ​ទេ​ ប៉ុន្តែ ​ខុស​ច្បាប់​ប្រសិន​បើ​រក​ឃើញ​ថា​ ការ​ប្រើ​មធ្យោ​បាយ​សាធារណៈ​បែប​នេះ​ដើម្បី​ដឹក​តែ​អ្នក​ទៅ​បោះ​ឆ្នោត​ឲ្យ​គណ​បក្ស​ណា​មួយ​នោះ​។​