ទៅតាម​សំណើ​របស់​អាមេរិក អង្គការសហប្រជាជាតិ​បាន​បោះឆ្នោត កាលពីថ្ងៃ ព្រហស្បតិ៍ទី ៧មេសា​ដើម្បី ព្យួរ​សមាជិកភាព​រុស្ស៊ី​ពី​ក្រុមប្រឹក្សា​សិទ្ធិមនុស្ស ជាមួយ​សំឡេង​​គាំទ្រ ចំនួន​៩៣សំឡេង និង​សំឡេង​ប្រឆាំង ចំនួន ២៤។ កម្ពុជា​ស្ថិតក្នុង​ចំណោម​ប្រទេស​ចំនួន​៥៨​ដែល​បោះឆ្នោត​អនុបវាទ ចំណែក​ប្រទេស​ចំនួន ១៨ ដែលមាន​ម៉ារ៉ុក និង​លីបង់​ជាដើម មិនបាន​ចូលរួម​ក្នុងដំណើរការ​បោះឆ្នោត ព្យួរសមាជិកភាព​របស់​រុស្ស៊ី នៅ​ក្រុមប្រឹក្សា​សិទ្ធិមនុស្ស កាល​ពី​ថ្ងៃ​ព្រហស្បតិ៍ ម្សិលមិញ​នោះទេ។ ប្រតិកម្ម​ទៅ​នឹង​ការបោះឆ្នោត ព្យួរ​សមាជិកភាព​របស់ខ្លួន​នៅ​ក្រុមប្រឹក្សា​សិទ្ធិមនុស្ស ឯកអគ្គរដ្ឋទូត​រុស្ស៊ី​ប្រចាំ​អង្គការ​សហប្រជាជាតិ​បាន​ប្រកាស​ថា រុស្ស៊ី​បាន​ដកសមាជិកភាព​របស់ខ្លួន​ចេញពីស្ថាប័ន​សិទ្ធិមនុស្សមួយនេះ ​របស់​អង្គការ​សហប្រជាជាតិ។