មុន​ពេល​ការ​បោះឆ្នោត​ឃុំ សង្កាត់ ឈាន​ចូល​មក​ដល់​នៅ​ពាក់​កណ្ដាល​ឆ្នាំ ២០២២ និង​ការ​បោះ​ឆ្នោតជាតិ នៅ​ឆ្នាំ​២០២៣ លោក​នាយក​រដ្ឋមន្រ្តី ហ៊ុន សែន បាន​ប្រើប្រាស់​ការ​រីក​រាលដាល​នៃ​ជំងឺ​កូវីដ​១៩ ដើម្បី​ពង្រីក​ការ​ក្តោបក្តាប់​អំណាច តាម​រយៈ​ការ​រឹតត្បិត​បន្ត​ទៀត​ចំពោះ​សិទ្ធិ​ពលរដ្ឋ និង​សិទ្ធិ​នយោបាយ​។ នេះ​ជា​ការ​លើក​ឡើង​​របស់​អង្គការ​ឃ្លាំមើល​សិទ្ធិ​មនុស្ស​អន្តរជាតិ នៅ​ក្នុង​របាយការណ៍​ដែល​ចេញ​ផ្សាយ​នៅ​ដើម​ឆ្នាំ​នេះ។ ​គណបក្ស​នៅ​ក្រៅ​រដ្ឋាភិបាល អះអាង​ថា ពួកគេ​កំពុង​ប្រឈម​បញ្ហា​ដូច​អ្វី​ដែល​អង្គការ​នេះ​លើក​ឡើង​មែន តែ​សម្រាប់​គណបក្ស​កាន់​អំណាច និង​អ្នក​នាំ​ពាក្យ​រដ្ឋាភិបាល​មិន​យល់​ស្រប​ឡើយ​។