បន្ទាប់​ពី​រង់​ចាំ​អស់​បី​សប្តាហ៍ និង​ដូច​ក្តី​រំពឹង ​នាយករដ្ឋមន្ត្រីបារាំង​ថ្មី ជា​ ស្ត្រី​ ! ក្នុង​អាណត្តិ​ទី​ពីរ លោក​ប្រធានាធិបតី​បារាំង ​បាន​សម្រេច នៅថ្ងៃចន្ទទី ១៦ ឧសភា ​ជ្រើសរើស​លោកស្រី អេលីហ្សាប៊ែត ប៊ន Elisabeth Borne អតីត​រដ្ឋមន្ត្រី​ក្រសួង​ការងារ ឱ្យ​ធ្វើ​ជា​ប្រមុខ​ដឹកនាំ​រដ្ឋាភិបាល​អាណត្តិ​ថ្មី។ នេះ​ទើប​​ជា​លើក​ទីពីរ​ប៉ុណ្ណោះ ដែល​បារាំង​​ស្ត្រី​ជា​អ្នក​ដឹកនាំ​រដ្ឋាភិបាល។ ពិធី​ផ្ទេរ​តំណែង​ បាន​ប្រព្រឹត្ត​ទៅ​រយៈ​ពេល​៣០នាទី ហើយ​នា​ឱកាស​នោះ​លោកស្រី​បាន​ឧទ្ទិស​តួនាទី​ជា​នាយករដ្ឋមន្ត្រី​ ដល់​គ្រប់​កុមារី​ទាំង​អស់ ឱ្យ​ហ៊ាន​ស្រមៃ​និង​សម្រេច​ក្តី​ស្រមៃ​របស់​ខ្លួន។