ការ​យល់​ឃើញ​ផ្ទុយ​គ្នា​បាន​កើត​ឡើង​ទៅ​លើ​អត្ថ​ន័យ​របស់​បទ​ចម្រៀង​រ៉េប​ថ្មី​របស់​យុវជន​ គា ​សុគន្ធ​ ដែល​មាន​ចំណង​ជើង​ថា​ «ឈាម​បាតុករ»​។ ​សកម្ម​ជន​សិទ្ធិ​មនុស្ស ​យល់ថា​ បទ​ចម្រៀង​នេះ​ឆ្លុះ​បញ្ចាំង​ពី​រឿង​ពិត​ដែល​បាន​កើត​ឡើង​ក្នុង​សង្គម​។ ​ពួក​គេ​ចាត់​ទុក​ថា​ បទ​ចម្រៀង​​នេះ​ ​គឺ​ជា​មធ្យោ​បាយ​តស៊ូ​មតិ​ដើម្បី​ស្វែង​រក​យុត្តិធម៌​ឲ្យ​ជន​រងគ្រោះ​។ ​ប៉ុន្តែ​សម្រាប់​រដ្ឋាភិបាល​វិញ ​ចាត់​ទុក​បទ​ចម្រៀង​នេះ​ ថា​មាន​ចរិក​ញុះ​ញង់​បង្ក​អសន្តិ​សុខ​សណ្ដាប់​ធ្នាប់​សង្គម​។