បន្ទាប់​ពី​ឆ្លងកាត់​ភាព​ចម្រូងចម្រាស​ អស់​រយៈ​ពេល​បួន​ថ្ងៃ និង​បរាជ័យ​ក្នុង​ការ​បោះឆ្នោត​អស់​១៤ជុំ​ នៅយប់​ថ្ងៃ​សុក្រទី៦​មករា​​ឆ្លង​មក​ថ្ងៃ​សៅរ៍​នេះ​ សមាជិក​សភា​អ្នក​តំណាង​អាមេរិក​បាន​បោះឆ្នោត​ជ្រើសតាំង​លោក ខេវីន ម៉ាកខេទី ជា​ប្រធាន​សភា នៅជុំ​ទី​១៥។ វិបត្តិ​​ស្វែង​រក​ប្រមុខ​ដឹកនាំសភា​អាណត្តិថ្មី ដ៏​លំបាក​លំបិន មិន​ធ្លាប់​មាន​ក្នុងប្រវត្តិ​១៦០​ឆ្នាំ​របស់​សភា​អាមេរិកនេះ បណ្តាល​មក​អំពី​ភាព​ប្រទាំង​ប្រទើស​ក្នុង​រង្វង់​បក្ស​សាធារណរដ្ឋ​ខ្លួន​ឯង ទម្រាំ​​​ ព្រម​ទទួលលោក​ ខេវីន ម៉ាកខេទី Kevin McCarthy ​ជា​ប្រធាន​សភា។ តើ​លោក ម៉ាកខេទី ជា​នរណា ?