នៅ​ថ្ងៃ​អាទិត្យ​ទី ២៣​តុលា​នេះ គណៈកម្មាធិការ​មជ្ឈិមបក្ស​បាន​ជ្រើសតាំង​ លោក ស៊ីជីនពីង ជា​អគ្គលេខាបក្សសម្រាប់​៥​ឆ្នាំ​បន្ថែម​ទៀត និង​ជ្រើសតាំង​​សមាសភាព​​គណៈកម្មាធិការ​អចិន្ត្រៃយ៍​នៃការិយាល័យ​នយោបាយ​បក្ស​កុម្មុយនិស្ត​ចិន ដែល​សុទ្ធ​សឹង​ជា​មនុស្ស​ស្និទ្ធឬ​មាន​ភក្តីភាព​ខ្លាំង​នឹង​លោក​ស៊ីជីនពីង​ទាំង​អស់។ ចំណែក​ឥស្សរជន​ដែល​មាន​ចរន្ត​នយោបាយ​ធូរ​រលុង​ជាង ត្រូវ​រុញ​ឱ្យ​ចូល​និវត្តន៍។ គ្រប់​អ្នក​សង្កេត​ការណ៍សុទ្ធ​តែ​ដឹង​ថា​លោក ស៊ីជីនពីង នឹង​ពង្រឹង​អំណាច​កាន់​តែ​ខ្លាំង ក្រោយ​​មហាសន្និបាត​បក្ស​លើក​ទី២០ ដែល​បាន​ប្រព្រឹត្ត​ទៅ ពី​ថ្ងៃទី ១៦-២២តុលា។ ប៉ុន្តែ​មាន​តិច​តួច​ណាស់​ដែល​គិត​ថា​ បុរស​ខ្លាំង​ចិន អាច​​បង្ហាញ​អំណាច​ដោយ​ចំៗ បែបនេះ។