បន្ទាប់​ពី​ភាគីរុស្ស៊ី​ បាន​ប្រកាសដកខ្លួន​ចេញ ​​កិច្ចព្រមព្រៀង​នាំ​ចេញគ្រាប់​ធញ្ញជាតិតាមសមុទ្ទ​ខ្មៅ ​បាន​អស់​សុពលភាព​នៅ​យប់​ថ្ងៃ​ចន្ទ​ទី​១៧​កក្កដា​វេលា​ម៉ោង​១១អាធ្រាត្រ​ម៉ោង​នៅក្រុង​ប៉ារីស។ ចុះ​ហត្ថលេខា​ដោយ​​រុស្ស៊ី ​អ៊ុយក្រែន​ អង្គការ​សហប្រជាជាតិ​​ ​​និង​តួកគី កាលពី​ខែ​កក្កដា​ឆ្នាំ​២០២២​ កិច្ចព្រមព្រៀង​​បាន​សម្រួលការ​នាំ​ចេញធញ្ញជាតិ​​បាន​ប្រមាណ​៣៣​លាន​តោន​ក្នុង​រយៈ​ពេល​មួយ​ឆ្នាំ។ ប៉ុន្តែ​សម្រាប់ពេល​ភ្លាមៗ​នេះ ការ​ព្យួរកិច្ចព្រមព្រៀង បង្ក​ផល​ប៉ះពាល់ខ្សោយ​ណាស់​លើ​ទីផ្សារ​ធញ្ញជាតិ។ ហើយ​​សម្រាប់​លោកប្រធានាធិបតី​អ៊ុយក្រែន ហ្សេឡេនស្គី ទោះ​គ្មាន​រុស្ស៊ី ក៏​ក្រុងកៀវ​នៅ​តែ​អាច​បន្ត​​នាំ​ចេញ​តាម​ច្រក​សមុទ្ទ​ខ្មៅដដែល ព្រោះ​អ៊ុយក្រែន​មិន​ខ្លាច​ទេ។