នៅ​កម្ពុជា​បច្ចុប្បន្ន គឺ​ខេត្ត​ចំនួន​៩ ​មាន​កៅ​អី​តំណាង​រាស្ត្រ​តែ​១​ប៉ុណ្ណោះ ហើយ​រាល់​ការ​បោះឆ្នោត​ម្តង​ៗ​គឺកៅ​អី​នោះ​បាន​ទៅ​លើ​គណ​បក្ស​ប្រជា​ជន​កម្ពុជា ដូចជា ខេត្តឧត្តរមានជ័យ ព្រះវិហារ ប៉ៃលិន កោះកុង កែប ស្ទឹងត្រែង រតនៈគិរី និងមណ្ឌល។ សម្ព័ន្ធ​គណ​បក្ស​នយោ​បាយ​ចំនួន​៤​ ស្នើ​ឲ្យ​មាន​ការ​បង្កើន​អាសនៈតំ​ណាង​រាស្ត្រ​នៅ​តាម​ខេត្ត​ដែល​មាន​តែ​១​អាសនៈ​ ខណៈ​ដែល​ពលរដ្ឋមាន​សិទ្ធិ​បោះឆ្នោត​មាន​ការកើន​ឡើង​។ គណ​បក្ស​នៅ​ក្រៅរដ្ឋាភិបាល យល់ថា ការ​បង្កើន​អាសនៈនេះ ដើម្បី​ឲ្យ​ប្រជា​ធិបតេយ្យ​ទូ​លំ​ទូលាយ​។ តើ​ដល់​ពេល​ត្រូវ​បង្កើន​អាសនៈ​តំណាង​រាស្ត្រ​នៅ​ខេត្ត​ដែល​មាន​តែ​១​អាសនៈ​ឬ​នៅ​?​