អតីត​ឧកញ៉ា លោក ហេង សិទ្ធី ត្រូវ​បាន​អា​ជ្ញា​ធរ​រុស្ស៊ី​ចាប់​បញ្ជូន​មក​ដល់​ប្រទេស​កម្ពុជា​កាល​ពី​ថ្ងៃទី​២៤ ខែ​ឧសភា ឆ្នាំ២០២៥ តាម​សំណើ​របស់​ក្រសួង​យុត្តិធម៌​កម្ពុជា​។​ សាលា​ដំបូង​រាជ​ធានី​ភ្នំពេញ​បាន​ប្រកាស​ថា ​ឈ្មោះ ហេង សិទ្ធី ត្រូវ​បាន​ចោទ​ប្រកាន់​ពី​បទ​ «គំរាម​ហែក​កេរ្តិ៍ មាន​ស្ថាន​ទម្ងន់​ទោស»​។​ ចំណាត់​ការ​នេះកើត​ឡើង បន្ទាប់ពី ​លោក​ ហេង សិទ្ធី​បាន​ប្រើប្រាស់​បណ្តាញ​ទំនាក់​ទំនង​សង្គម​បរិហារ​លើ​មន្ត្រីជាន់​ខ្ពស់​កម្ពុជា​មួយ​ចំនួន​រួម​នឹង​ឧកញ៉ា​ខ្លះ​ពី​បទ​ប្រព្រឹត្ត​អំពើ​ពុក​រលួយ​ជាប្រព័ន្ធ​ក្នុង​អំពើ​ឆបោក​តាម​អន​ឡាញ​នៅ​កម្ពុជា​។