នៅក្នុងប្រទេសសិង្ហបុរី គណៈរដ្ឋមន្ត្រីថ្មីដែលមានសមាជិកចំនួន ១៧នាក់ល្បីល្បាញខាងពូកែធ្វើការ។ តែសមាសភាពគណៈរដ្ឋមន្ត្រីថ្មីរបស់ប្រទេសសមាជិកអាស៊ានដែលមានប្រជាជន ៦លាននាក់ និងផ្ទៃដីតែជាង៧០០គីឡូម៉ែត្រការ៉េមួយនេះ ត្រូវបានមហាជនលើកយកមកជជែកគ្នាតាមបណ្តាញសង្គម និងផ្សព្វផ្សាយតាមបណ្តាញព័ត៌មានក្នុងប្រទេសកម្ពុជាផងដែរ។ សិង្ហបុរីមាន GDP ចំនួន ៨៦ ០០០ដុល្លារ ហើយកម្ពុជាមាន GDP ជាង២០០០ដុល្លារសម្រាប់មនុស្សម្នាក់។ នៅកម្ពុជា គណៈរដ្ឋមន្ត្រីថ្មីមានសមាជិកជាង៥០នាក់ តែបើគិតទាំងមន្ត្រីនយោបាយ(រដ្ឋលេខាធិការ និងអនុរដ្ឋលេខាធិការ) គឺមានដល់ជាង ១ពាន់នាក់។ អ្នកវិភាគនានាយល់ឃើញថា កម្ពុជា និងសិង្ហបុរីមានស្ថានភាពខុសគ្នាជាច្រើនដែលគេមិនអាចប្រៀបធៀបគ្នាបានទេ។