បើ​ទោះបី​ជា​ជន​ឆបោក​មួយ​ចំនួន​ត្រូវ​បាន​ចាប់​ខ្លួន​ជា​បន្ត​បន្ទាប់​ក៏​ដោយ​ ក៏​ជន​រង​គ្រោះហាក់​នៅ​ពុំ​ទាន់​ទទួល​បាន​យុត្តិធម៌​នៅ​ឡើយ​ ពិសេស​មិន​ទាន់​ទទួល​បាន​វិញ​នូវ​ប្រាក់​ដែល​ពួក​គេ​បាន​ដាក់​វិនិ​យោគ​។​ ជាក់ស្តែង​ នៅក្នុង​សំណុំ​រឿង​អតីត​ឧកញ៉ា ឡេង ចាន់ណា មាន​ពលរដ្ឋ​ជាង ៥០០០​គ្រួសារបាន​ដាក់​ពាក្យ​ប្តឹង​ក្រុម​ហ៊ុន​ប៊្រីលាន​ស៊ីធី ​ពី​បទ​ឆបោក​ទឹក​ប្រាក់​វិនិយោគ​ទាំង​ដើម ​ទាំង​ការ​ជាង​ ៣០០លាន​ដុល្លារ​។ ​ចំណែក​សំណុំ​រឿង​អតីត​ឧកញ៉ា ជា សារ៉ន វិញ​ត្រូវ​បាន​ពលរដ្ឋ​ប្តឹង​ពី​បទ​ឆបោក​ក្នុង​គម្រោង​អភិវឌ្ឍន៍​ដីឡូតិ៍ជិត​ ៤០​លាន​ដុល្លារ​។​ តើ​គួរ​មាន​យន្តការ​អ្វីខ្លះ​ដើម្បី​ធានា​យុត្តិធម៌​ដល់​ជន​រង​គ្រោះនៅ​ក្រោយ​ចាប់​ខ្លួន​ជន​ឆបោក​ទាំង​នេះ​?​