ឧកញ៉ាមួយចំនួនដែលរកស៊ីខាងវិស័យអចលនទ្រព្យ គេកត់សម្គាស់ឃើញថា ត្រូវសមត្ថកិច្ចចាប់ខ្លួនជាបន្តបន្ទាប់បញ្ជូនទៅតុលាការ ក្រោយបោកប្រាស់ទំនុកចិត្តប្រជាពលរដ្ឋដែលជាអតិថិជនរាប់រយគ្រួសារ​រួមមានឧកញ៉ា ជា សារ៉ន និងថ្មីៗនេះឧកញ៉ា ហ៊ី គីមហុង ម្ចាស់ក្រុមហ៊ុនពិភពដីមាសជាដើម​។ ការចាប់ខ្លួនឧកញ៉ាទាំងនេះ ចង់ឬមិនចង់ក៏ប៉ះពាល់ដល់ងារឧកញ៉ាដទៃទៀត ដែលបាននិងកំពុងរកស៊ីនៅក្នុងប្រទេសកម្ពុជាផងដែរ ជាពិសេសឧកញ៉ាដែលរកស៊ីខាងវិស័យអចលនទ្រព្យ ក្រោយសាធារ​ណ​ជនដឹងថាមានឧកញ៉ាខ្លះរកស៊ីបោកប្រាស់ពលរដ្ឋស្លូតត្រង់ធ្វើឲ្យខូចឈ្មោះដល់ងារជាឧកញ៉ា។ (សេង បារាំង)