លោកហង់ជួន​ ណារ៉ុន​ រដ្ឋ​មន្ត្រី​ក្រសួង​អប់រំ​ យុវជន​ និង​កីឡា ​នៅថ្ងៃ​ចន្ទ​ម្សិលមិញ​នេះ​ បាន​លើក​ឡើង​អំពី​ដំណើរ​ការ​រៀប​ចំ​នៃការ​ប្រឡង​សញ្ញាប័ត្រ​មធ្យម​សិក្សា​ទុតិយ​ភូមិ​ឆ្នាំ២០២០-២០២១​ ដែល​ជា​ឆ្នាំសិស្សានុសិស្ស​ថ្នាក់ទី១២​ រៀន​តាម​ប្រព័ន្ធ​អនឡាញ​ច្រើន​ជាង​ការ​រៀន​ដោយ​ផ្ទាល់​នៅឯ​សាលា​ ដ្បិត​វិបត្តិ​សកល​កូវីដ១៩។​ លើសពី​នេះ​ ក្រសួង​អប់រំ​ក៏បាន​ធានា​ពី​ការ​រក្សា​គោលការណ៍​ច្បាប់​ យុត្តិធម៌​ តម្លាភាព​ និង​លទ្ធផល​ដែល​អាច​ទទួល​យក​បាន​ នៅពេល​ប្រឡង​ខាងមុខ​នេះ។ ​តើការ​ប្រឡង​មធ្យម​សិក្សា​ទុតិយភូមិ​នៅ​សប្តាហ៍​ក្រោយ​ដែល​អាច​ទទួល​យក​បាន​នោះ​ អាច​ទទួល​យក​បាន​កម្រិត​ណា?​