កាល​ពីថ្ងៃ​ទី១​២ ខែ​​ឧសភា​ ឆ្នាំ២​០២​២​​ ពល​រដ្ឋ​ខ្មែរ​អាមេរិកាំង ​​លោក ​អ៊ុក​ ទូច ​បានយក​​ស្បែកជើង​របស់​គាត់​គ​ប់សំដៅ​​ទៅ​លើ​លោក​នាយករដ្ឋមន្ត្រី​ ហ៊ុន សែន ​នៅក្នុង​ចំណោម​ក្រុម​​អ្នកគាំទ្រ​​របស់​លោក​រាប់​សិប​នាក់ នៅ​ឯរដ្ឋ​ធានី​វ៉ាស៊ីនតោន​ សហរដ្ឋ​អាមេរិក​ ខណៈមេដឹក​នាំកម្ពុជា​រូបនេះ​ទៅចូល​រួម​កិច្ច​ប្រជុំកំពូល​អាស៊ាន-អាមេរិក​។ ព្រឹត្តិការណ៍​ដ៏កម្រ​នេះ ​ជំរុញឱ្យ​មានប្រតិកម្ម​ថ្កោល​ទោស​ពីសំណាក់​​មន្ត្រីជាន់​ខ្ពស់​មួយ​ចំនួន​របស់​គណបក្ស​កាន់អំណាច​ថា ​ជាទង្វើ​មិន​អាច​លើកលែង​ទោសបាន។​ ប៉ុន្តែ​អ្នកធ្លាប់​រស់​នៅ​ក្រៅ​ប្រទេស​ចាត់ទុក​ថាករណី​នេះ​ថាជាសេរីភាព​បញ្ចេញមតិ។​