ផ្អែកតាមទិន្នន័យផ្លូវការចុងក្រោយ យ៉ាងហោចណាស់ មាន៤៥ប្រទេសដែលបានដំឡើងអត្រាការប្រាក់ រហូតមកដល់ពេលនេះក្នុងឆ្នាំ២០២២។ នយោបាយនេះគឺធ្វើឡើងដោយធនាគារកណ្ដាលនៃប្រទេសនីមួយៗ ដើម្បីដោះស្រាយបញ្ហានៃការកើនឡើងអតិផរណា ឬការកើនឡើងតម្លៃទំនិញជាទូទៅ។ ក៏ប៉ុន្តែ ក្នុងពេលជាមួយគ្នា នយោបាយនេះក៏នឹងបង្កផលប៉ះពាល់ដល់អ្នកខ្ចី អ្នកសន្សំ អ្នកប្រើប្រាស់ អ្នកវិនិយោគ ក៏ដូចជាសេដ្ឋកិច្ចជាតិទាំងមូល។