លោក ​ហ៊ុន ​សែន ​អតីត​នាយក​រដ្ឋ​មន្ត្រី ​ នៅថ្ងៃម្សិលមិញនេះ បាន​ប្រាប់​ឲ្យ​ពិនិត្យ​ឡើង​វិញ​លើ​ការ​យក​ពន្ធ ​ស្រប​ពេល​មាន​ការផ្ទុះ​ឡើង​ថា​ រដ្ឋាភិបាលថ្មី «កៀប​យក​ពន្ធ»ពីពលរដ្ឋ​ក្រោយ​បោះ​ឆ្នោត​ឲ្យ​។ នេះបើតាមសារសំឡេងដែលវិទ្យុបារាំងអន្តរជាតិទទួលបាន។ ការណ៍នេះ អ្នកតាមដាននយោបាយ លើកឡើងជាទស្សនៈខុសៗគ្នា ជុំវិញសារសំឡេងរបស់លោក ហ៊ុន សែន ដោយខ្លះថា ជាការខ្វល់ខ្វាយបញ្ហាជាតិ ខណៈខ្លះទៀតថា ថាជាការធ្វើឲ្យរដ្ឋាភិបាលថ្មី មានពិន្ទុមិនល្អ។