កម្ពុជានិងថៃបានព្រមព្រៀងគ្នាថា នឹងមិនធ្វើបត្យាប័នរាល់ពេលស្នើសុំបញ្ចូនអ្នកទោសរវាងប្រទេសទាំងពីរទៀតនោះទេ ដោយរាល់ការផ្លាស់ប្តូរអ្នកទោសឬហៅថាពិរុទ្ធជន​នឹងត្រូវធ្វើឡើងដោយយោងទៅលើការស្ម័គ្រចិត្ត។ កិច្ចព្រមព្រៀងគ្នានេះ បានឯកភាពគ្នាក្រោយពេលដែលលោកនាយករដ្ឋមន្ត្រី ហ៊ុន សែន បានជួបពិភាក្សាដោយផ្ទាល់ជាមួយឯកអគ្គរដ្ឋទូតថៃថ្មីប្រចាំនៅកម្ពុជា។ ក្នុងនោះ អ្នកនយោបាយ និងអង្គការសង្គមស៊ីវិលចាត់ទុកថា ការផ្លាស់ប្តូរអ្នកទោសដោយមិនចាំបាច់ធ្វើបត្យាប័ន ជារឿងល្អប្រសើរមួយសម្រាប់ប្រទេសទាំងពីរ។ ប៉ុន្តែពួកគេព្រួយបារម្ភទៅវិញថា កិច្ចព្រមព្រៀងនេះអាចជាការគៀបសង្កត់ និងបិតផ្លូវសកម្មជននយោបាយ និងសកម្មភាពនានាដែលរត់ភៀសខ្លួនទៅប្រទេសថៃ។