គណៈកម្មាធិការស៊ើបអង្កេត រុស្ស៊ី​បាន​បើក​ការស៊ើបអង្កេតឧក្រិដ្ឋកម្ម​ទៅលើ​ហេតុការណ៍​ផ្ទុះ​បំផ្លាញ ស្ពាន​គ្រីមេ នៅ​ព្រឹក​ថ្ងៃ​សៅរ៍នេះ។ តាមគណៈកម្មាធិការស៊ើបអង្កេតរុស្ស៊ី ដែលដកស្រង់ផ្សាយ​ដោយ​កាសែត​ក្នុងស្រុក នៅវេលា​ម៉ោង ៦ព្រឹក ម៉ោង​នៅ​រុស្ស៊ី រថយន្ត​ដឹកទំនិញ​មួយគ្រឿង​បាន​ផ្ទុះ នៅលើ​ស្ពាន​គ្រីមេ និង​រាលដាល ធ្វើ​ឲ្យ​ផ្ទុះ​ឆេះ​ស៊ីទែន​ដឹកប្រេង ដែល​គេ​កំពុង​ដឹកសំដៅ​ឧបទ្វីបគ្រីមេ ដែល​រុស្ស៊ី បាន​កាត់យក​ពីអ៊ុយក្រែន កាលពី​ឆ្នាំ ២០១៤។តាមអាជ្ញាធររុស្ស៊ី តុល្យការចុងក្រោយបង្ហាញថា មានមនុស្ស​៣នាក់​ស្លាប់​នៅក្នុងហេតុការណ៍បំផ្ទុះឆេះស្ពានគ្រីមេនៅថ្ងៃទី ៨​តុលា។​ តើ​ការបំផ្ទុះបំផ្លាញ​ស្ពានដែលជាសមិទ្ធិផល​របស់​លោកពូទីន និងជានិមិត្តរូប​នៃការកាត់យក​ទឹកដី​អ៊ុយក្រែន ពីសំណាក់រុស្ស៊ី អាច​ជា​ស្នាដៃ​របស់​អ៊ុយក្រែន?