ក្រសួងមហាផ្ទៃ នៅថ្ងៃទី២៦ ខែកក្កដា ឆ្នាំ២០២៤ បានសម្រេចបង្កើតក្រុមការងារ តាមដាន ពិនិត្យ និងវាយតម្លៃលើការរៀបចំ និងការអនុវត្តគម្រោងមូលនិធិឃុំ-សង្កាត់ ក្នុងក្របខណ្ឌទូទាំងប្រទេស។ ការសម្រេចបង្កើតក្រុមការងារដែលមានសមាជិកចំនួន១៥រូបនេះ ធ្វើឡើងក្រោយពេលលោក ស សុខា រដ្ឋមន្ដ្រីក្រសួងមហាផ្ទៃ សង្កេតឃើញមានភាពអវិជ្ជមានមួយចំនួនកើតឡើង ពាក់ព័ន្ធនឹងការអនុវត្តគម្រោងមូលនិធិឃុំ-សង្កាត់។ តែសង្គមស៊ីវិលដែលធ្វើការតាមដានលើរឿងនេះ យល់ថាទាល់តែមានឆន្ទៈក្នុងការអនុវត្តការងារដែរ ទើបអាចលុបបំបាត់ភាពវិជ្ជមានដែលកើតឡើងកន្លងមកបាន។