នៅប្រទេសកម្ពុជា ការប្រលងបាក់ឌុប ត្រូវគេមើលឃើញថាជាព្រឹត្តិការណ៍មួយដ៏សំខាន់សម្រាប់សិស្សានុស្សិស ដែលបានរៀនសូត្រនៅកំរិតបឋមសិក្សា និងមធ្យមសិក្សាអស់រយៈពេល១២ឆ្នាំកន្លងទៅ។ ជាមួយគ្នានេះ អ្នកតាមដានសង្គមមួយចំនួនបានលើកឡើងថា ការប្រឡងគ្រាន់តែជាចំណែក​មួយនៃការវាស់វែងសមត្ថភាពរបស់សិស្សប៉ុណ្ណោះ។ ក៏ប៉ុន្តែការផ្តល់ឱកាសឲ្យសិស្សបានរៀនសូត្រឲ្យ​ចេះដឹងពិតប្រាកដ និងពង្រឹងគុណភាពអប់រំតាមកម្រិតនីមួយៗ ត្រូវគេមើលឃើញថាជាវិធីសាស្ត្រមួយប្រសើរជាងការតឹងតែងតែក្នុងថ្ងៃប្រឡង ខណៈដែលប្រទេសជឿនលឿនមួយចំនួន គេបានលុបចោលការប្រលងបាក់ឌុបទៅហើយ។