ការ​ទាម​ទារ​តម្លើង​ប្រាក់​ខែ​គ្រូ​បង្រៀន​ឲ្យ​បាន​យ៉ាង​តិច​១​ភាគ​៤​នៃ​ប្រាក់​ខែ​តំណាង​រាស្ត្រ​ ឬ​ស្មើ​នឹង​ជាង​៧០០ដុល្លារ​អាមេរិក គឺ​ជា​ចំណុច​​សំខាន់​ជាង​គេ​ ដែល​ត្រូវ​លើក​ឡើង​នៅ​ក្នុង​វេទិកា​សាធារណៈ​នៅទី​លាន​ប្រជា​ធិ​បតេយ្យ​នៅ​ថ្ងៃ​ទី​៥​តុលា​នេះ​។ ការ​ទាម​ទារ​យ៉ាង​ដូ​ច្នេះ  ដោយសមាគមគ្រូបង្រៀនកម្ពុជាឯករាជ្យ​​លើក​ហេតុ​ផល​ថា​ មក​ពី​តំណាង​រាស្ត្រ​ធ្វើ​ការ​ឲ្យ​រដ្ឋ​ដូច​គ្រូ​បង្រៀន​ដែរ តែ​ទទួល​បាន​ប្រាក់​ខែ​រហូត​ដល់​១៦​លាន​រៀល​ ឬ​៤០០០ដុល្លារ​។​ តើ​ការ​សុំ​តម្លើង​ប្រាក់​​ខែ​គ្រូ​ឲ្យ​បាន​១​ភាគ​៤​នៃ​ប្រាក់​ខែ​តំណាង​រាស្ត្រ​ ឬ​ជាង៧០០ដុល្លារ​អាច​ទៅ​រួច​ទេ​? ​