ការ​ដំឡើង​ថ្លៃ​សេវា​កម្ម​មួយ​ចំនួន​ក្នុង​រដូវ​បុណ្យ​ទាន​ធំៗ​ បាន​កើត​មាន​ឡើង​សឹង​តែ​ជា​ទម្លាប់​។​ តួយ៉ាង​ថ្លៃចំណត​យាន​យន្ត​សម្រាប់​បុណ្យ​អុំទូក​ឆ្នាំ​នេះ​ បាន​ឡើង​ថ្លៃ​មួយ​គុណ​នឹង​៥​ឬ​គុណនឹង១០​​ ពោល​ម៉ូតូ​មួយ​គ្រឿងកន្លែង​ខ្លះ​៥០០០រៀល ​​ខ្លះទៀត​១ម៉ឺន​រៀល​ ខណៈ​តម្លៃ​ធម្មតាត្រឹម១០០០រៀល​។​ ចំណែក​ចំណត​រថយន្ត​ឡើង​មួយ​គុណ​នឹង​២​ឬ​មួយគុណ​នឹង​៤ ​ពោល​ពី​៥០០០​រៀល​ទៅ​១​ម៉ឺន​ និង​កន្លែង​ខ្លះ​២ម៉ឺន​រៀល​។​ តើ​ទម្លាប់​បែប​នេះ​ជះ​ផល​ប៉ះពាល់​យ៉ាង​ណា​ខ្លះ​?​