សំណុំរឿងនុយក្លេអ៊ែរអ៊ីរ៉ង់​បាន​ក្លាយ​ជា​ប្រធានបទ​តានតឹង​ជា​ថ្មី​រវាង​បស្ចិមលោក និង​អ៊ីរ៉ង់។ ទីភ្នាក់ងារថាមពល​បរមាណូ​អន្តរជាតិ AIEA បាន​បញ្ជាក់​ថា អ៊ីរ៉ង់​បាន​ចាប់​ផ្តើម​ធ្វើកា​រ​ចម្រើន​ធាតុ​អ៊ុយរ៉ាញ៉ូម​របស់​ខ្លួន​ក្នុង​កម្រិត ៦០% នៅ​ក្នុង​មជ្ឈមណ្ឌល​នុយក្លេអ៊ែរ​ហ្វ័រដូ (Fordo)។ ទង្វើ​​ថ្មី​របស់ក្រុង​តេហេរ៉ង់​ពេល​នេះ​ជា​ការ​រំលោភបំពាន​យ៉ាង​កម្រោល​លើ​កិច្ចព្រមព្រៀង​នុយក្លេអ៊ែរ​អ៊ីរ៉ង់​ចុះ​ហត្ថលេខា​ឆ្នាំ ២០១៥។ អ៊ីចឹង​ហើយ​បាន​ជា​​បស្ចិមប្រទេស ពិសេស​អាមេរិក និង​អឺរ៉ុប​បាន​បញ្ចេញ​ប្រតិកម្ម​ថ្កោលទោស​អ៊ីរ៉ង់​ចាស់​ដៃ។