រដ្ឋ​មន្រ្តី​ពាណិជ្ជ​កម្ម​របស់​កម្ពុជា​អះអាង​នៅថ្ងៃ​ទី​៨​ខែ​សីហា​ថា ​កិច្ច​សហ​ប្រតិបត្តិ​ការ​អភិវឌ្ឍ​តំបន់​ត្រី​កោណជាមួយ​ឡាវ និង​វៀត​ណាម​(CLV) ដែល​មាន​រយៈ​ពេល ២៥​ឆ្នាំ​មក​នេះ គឺ​បាន​ធ្វើ​ឱ្យ​កម្ពុជា​ស្គាល់​កំណើន​ពាណិជ្ជ​កម្ម និង​កសិពាណិជ្ជកម្ម​ជា​លំ​ដាប់​។​ បើ​តាម​ លោកស្រី ចម និម្មល ក្នុង​រយៈ​ពេល​៧ខែ​ដើម​ឆ្នាំ២០២៤ ទំហំ​ពាណិជ្ជ​កម្ម​កម្ពុជា និង​ឡាវ​កើន​ឡើង​ ១០​ភាគរយ​ តែ​ការ​នាំ​ចេញ​ទំនិញ​កម្ពុជា​ទៅ​ឡាវ​កើន​ឡើង​ដល់​ទៅ ២៧២​ភាគ​រយ​។​ ចំណែក​ទំហំ​ពាណិជ្ជកម្ម​កម្ពុជា និង​វៀត​ណាម​កើន​ឡើង ២៤​ភាគ​រយ​ ក្នុងនោះ ការ​នាំ​ចេញទំនិញ​កម្ពុជា​ទៅ​វៀត​ណាម​មាន​កំណើន ​៣៨​ភាគរយ​។​ តើ​កម្ពុជា​ពិត​ជាទទួលបាន​ចំណេញពី​ការ​ភ្ជាប់​សេដ្ឋកិច្ច​ជា​មួយ​ឡាវ និង​វៀត​ណាម​?​