ក្នុង​នាម​ជា​ម្ចាស់​ផ្ទះ​រៀបចំ​ការ​ប្រកួត​កីឡា​ស៊ីហ្គេម​ លើក​ទី​៣២​ លោក​នាយក​រដ្ឋមន្រ្តី​ ហ៊ុន សែន ​បាន​ប្រកាស​ឲ្យ​ទាំង​ខ្មែរ​ និង​បរទេស​ មាន​សិទ្ធិ​ចូល​មើល​ពី​ប្រកួត​កីឡា​ស៊ីហ្គេម​ដោយ​ឥត​គិត​ថ្លៃ​ និង​អនុញ្ញាត​ឲ្យ​ទូរទស្សន៍​បរទេស​ទទួល​សិទ្ធិ​ផ្សព្វផ្សាយ​ដោយ​ឥត​គិត​ថ្លៃ​ផង​ដែរ។​ ការ​ប្រកាស​បែប​នេះ ​ធ្វើ​ឡើង​នៅ​ក្នុង​កិច្ច​ប្រជុំ​គណៈ​រដ្ឋ​មន្ត្រី​ នា​ថ្ងៃ​ទី​៣១ ​ខែ​មីនា ​ក្រោយ​មួយ​ថ្ងៃ​បន្ទាប់​ពី​លោក​ចេញ​សារ​ជា​សម្លេង​បញ្ជា​មិន​អនុញ្ញាត​ឲ្យ​មាន​ការ​លក់​សំបុត្រ​ទស្សនា​ ឬ​យក​ថ្លៃ​សេវា​នានា​ នៅ​ក្នុង​ការ​ប្រកួត​ក្នុង​វិញ្ញាសារ​ផ្សេងៗ​ នៃ​ព្រឹត្តិការណ៍​កីឡា​ស៊ីហ្គេម​ ដែល​កម្ពុជា​ធ្វើ​ជា​ម្ចាស់​ផ្ទះ។