នៅថ្ងៃទី៨ ខែសីហា ឆ្នាំ២០២៤ លោកស្រីជូ ប៊ុនអេង រដ្ឋលេខាធិការក្រសួងមហាផ្ទៃ និងជាអនុប្រធានអចិន្ដ្រៃយ៍គណៈកម្មាធិការជាតិប្រយុទ្ធប្រឆាំងអំពើជួញដូរមនុស្សបានឱ្យដឹងថា ក្នុងរយៈពេល៦ខែ ឆ្នាំ២០២៤ ការស្រាវជ្រាវ និងការបង្ក្រាបករណីជួញដូរមនុស្ស និងអាជីវកម្មផ្លូវភេទខុសច្បាប់បានកើនឡើងចំនួន ១៦.៣៤% បើធៀបនឹងរយៈពេលដូចគ្នាក្នុងឆ្នាំ២០២៣។ លោកស សុខា រដ្ឋមន្ដ្រីក្រសួងមហាផ្ទៃ និងជាប្រធានគណៈកម្មាធិការជាតិប្រយុទ្ធប្រឆាំងអំពើជួញដូរមនុស្សបានដាក់បញ្ជាឱ្យមន្ដ្រីក្រោមឱវាទបន្ដស្រាវជ្រាវ បង្ក្រាបឱ្យសកម្ម និងឱ្យមានប្រសិទ្ធិភាពលើអំពើជួញដូរមនុស្សនេះ។ តើកម្ពុជាគួរធ្វើអ្វីបន្ថែមដើម្បីកាត់បន្ថយករណីជួញដូរមនុស្ស និងអាជីវកម្មផ្លូវភេទខុសច្បាប់?