ការនាំចេញ​សម្លៀកបំពាក់​ ស្បែកជើង​ និង​សម្ភារៈ​ធ្វើដំណើរ​របស់​កម្ពុជា​កាល​ពីឆ្នាំ២០២១​បាន​កើនឡើង​ ១៥,២%​ ធៀប​នឹង​ឆ្នាំ២០២០​ គិត​ជាទឹក​ប្រាក់​សរុប​នៃការ​នាំចេញ​គឺមានជាង​ ១១ពាន់​លានដុល្លារ។​ វិស័យ​កាត់​ដេរ​អាចចាត់​ទុក​ថាជាវិស័យ​តែមួយ​គត់​ ដែល​កម្ពុជា​នៅមាន​កំណើន​ ខណៈ​វិស័យ​ផ្សេងទៀត​បានរង​នូវការ​ធ្លាក់ចុះ​ ឬកើន​បន្តិចបន្តួច​ ដោយ​សារ​ការរាតត្បាត​នៃជំងឺកូវីដ-១៩។​ ទោះយ៉ាង​ណា ​អ្នកពាក់​ព័ន្ធ​នានា​បាន​មើលឃើញថា​ ប្រទេស​កម្ពុជា​គួរតែមាន​យន្តការ​ជាក់លាក់​ ដើម្បី​រក្សា​បាន​កំណើន​នៃវិស័យ​នេះ ​នៅឆ្នាំ​ ២០២២​ និង​បន្ត​ទៅឆ្នាំ​ក្រោយៗ​ទៀត។​