សំណុំរឿងអភិវឌ្ឍតំបន់ត្រីកោណកម្ពុជា-ឡាវ-វៀតណាម កំពុងបន្តចម្រូងចម្រាស់ នៅក្នុងចំណោមអ្នកនយោបាយ រួមទាំងប្រជាពលរដ្ឋខ្មែរ។ ពួកគេមួយចំនួនសម្តែងការមិនគាំទ្រចំពោះគម្រោងមួយនេះ ដោយទទូចឲ្យរដ្ឋាភិបាលកម្ពុជាដកខ្លួនចេញពីគម្រោងអភិវឌ្ឍតំបន់ត្រីកោណ(CLV)។ សម្រាប់ក្រុមអ្នកឃ្លាំមើលសង្គម រដ្ឋាភិបាលកម្ពុជាត្រូវដកខ្លួនជាបន្ទាន់ចេញពីគម្រោងមួយនេះ ដោយយកខេត្តទាំង៤មកអភិវឌ្ឍដោយខ្លួនឯង។ ក៏ប៉ុន្តែ អ្នកជំនាញមួយចំនួន បានពន្យល់ថា សព្វថ្ងៃខេត្តទាំង៤នេះ គឺស្ថិតនៅក្រោមការអភិវឌ្ឍន៍របស់រដ្ឋាភិបាលកម្ពុជារួចទៅហើយ។