ថ្មីៗនេះ ក្រុមហ៊ុន VINCI របស់បារាំងបានឈ្នះការដេញថ្លៃសិទ្ធិគ្រប់គ្រងអាកាសយានដ្ឋានអន្តរជាតិភ្នំពេញថ្មី «តេជោក្រុងតាខ្មៅ»។ VINCI ត្រូវបានគេស្គាល់ជាក្រុមហ៊ុនដែលកំពុងគ្រប់គ្រងអាកាសយានដ្ឋានអន្តរជាតិភ្នំពេញ ខេត្តសៀមរាប និងខេត្តព្រះសីហនុ។ អ្នកជំនាញធ្វើការលើវិស័យទេសចរណ៍នាំគ្នាសាទរ និងទទួលស្គាល់ VINCI ជាក្រុមហ៊ុនដែលមានលក្ខណៈស្តង់ដារ ទំនួលខុសត្រូវខ្ពស់ និងមានទំនាក់ទំនងទូលំទូលាយជាមួយបណ្តាប្រទេសក្នុងលោក។ តែអ្នកជំនាញដដែលក៏សង្កេតឃើញថា ក្រុមហ៊ុនបារាំងមួយនេះនៅពុំទាន់អាចធ្វើឱ្យវិស័យអាកាសចរណ៍ខ្មែរល្អប្រសើរនៅឡើយទេ។ ចំណែកអ្នកនាំពាក្យអាកាសចរណ៍ស៊ីវិលរំពឹងទទួលបានផ្លែផ្កា និងចង់ឃើញ VINCI ទាញប្រយោជន៍ជូនប្រទេសកម្ពុជាច្រើនជាងពេលកន្លងមក។