គណបក្សកាន់អំណាច និងអ្នកគាំទ្ររបស់ខ្លួនចាប់តាំងពីថ្ងៃម្សិលមិញ និងម្សិលម្ង៉ៃ បានបញ្ចេញសារថ្កោលទោសលោក សម រង្ស៊ី យ៉ាងព្រោងព្រាធ ដោយខ្លឹមសារនៃញត្តិបានសម្តែងការមិនពេញចិត្តចំពោះកការប្រមាថព្រះមហាក្សត្រម្តងហើយម្តងទៀតរបស់លោក សម រង្ស៊ី។ ជាការកត់សម្គាល់នៅក្នុងរូបភាពនយោបាយជាក់ស្តែង លោក សម រង្ស៊ី ត្រូវបានដាក់ឲ្យស្ថិតនៅក្នុងយុទ្ធសាស្ត្រ IF របស់សម្តេចនាយករដ្ឋមន្ត្រី ហ៊ុន សែន ទៅហើយ។ ម្យ៉ាងទៀត លោក សម រង្ស៊ី មិនអាចចូលស្រុកបាន ហើយអ្នកនយោបាយប្រឆាំងក្នុងស្រុកក៏មិនសូវហ៊ានពាក់ព័ន្ធនឹងលោក សម រង្ស៊ី ដែរ។ តើលោក សម រង្ស៊ី នៅតែមានឥទ្ធិពលក្នុងនយោបាយខ្មែរឬយ៉ាងណាទើបមានប្រតិកម្មចម្រុះពីសំណាក់គណបក្សកាន់អំណាច និងអ្នកគាំទ្ររបស់ខ្លួនដូច្នេះ?