ប្រមុខ​រដ្ឋាភិបាល​កម្ពុជា​ លោកហ៊ុន សែន​ កាល​ពីថ្ងៃទី​០២​ធ្នូ​កន្លង​ទៅ នៅក្នុង​ពិធី​សម្ពោធ​ដាក់ឲ្យ​ប្រើប្រាស់​ផ្លូវចំនួន​ ៣៧ខ្សែ​ និង​អាងប្រព្រឹត្តកម្ម​ទឹកកខ្វក់​ចំនួន៣​ នៅខេត្ត​ព្រះសីហនុ​ បានប្រកាសជាសាធារណៈលោកគាំទ្រ​កូនប្រុសច្បង​របស់លោក​ គឺលោក​ ហ៊ុន ម៉ាណែត​ ឲ្យធ្វើ​ជានាយករដ្ឋមន្ត្រី​បន្តពីលោក​ តែ​តាមរយៈ​ការ​បោះឆ្នោត។​ ភ្លាមៗ​ក្រោយការ​ប្រកាស​ សារគាំទ្រ​ជាច្រើន​បានធ្លាក់​មកហូរហែ​បន្តបន្ទាប់​គ្នាពីគ្រប់​ស្ថាប័ន​រដ្ឋ​និង​ឯកជន​ រួម​ទាំងផ្ទៃ​ក្នុងបក្ស​ប្រជាជន​កម្ពុជាផង។​