ការស៊ើបអង្កេត ជុំវិញ​ហេតុការណ៍​អ្នកគាំទ្រ​លោក​ដូណាល់ ត្រាំ សម្រុកចូល​ក្នុង​វិមាន​កាពីតូល កាល​ពីថ្ងៃ​ទី៦ មករា ឆ្នាំ២០២១​កន្លងទៅ បាន​ឈាន​ទៅដល់​ការ​ចោទប្រកាន់ និង​កាត់ទោស​មនុស្ស​ជាច្រើន​រួចមកហើយ។ ក៏ប៉ុន្តែ នៅ​ក្នុងពេល​ដែល​ដំណើរការ​ស៊ើបអង្កេត​ចេះតែ​បន្តទៅមុខ ជាពិសេស ការបង្ហាញ​ឯកសារ និង​សាកសួរ​សាក្សី ដោយ​គណៈកម្មការ​សភា, គេឃើញ​ថា តួនាទី​របស់​លោក​ដូណាល់ ត្រាំ នៅ​ក្នុង​ហេតុការណ៍​នេះ​ត្រូវ​បាន​បង្ហាញ​​កាន់តែ​ច្បាស់ ហើយ​សំណួរ​ចម្បង​មួយ​ត្រូវ​ចោទឡើង​ថា តើ​លោក​ដូណាល់ ត្រាំ​ខ្លួនឯង​ផ្ទាល់​អាច​នឹង​ត្រូវ​រងនូវការ​ចោទប្រកាន់​ពីបទល្មើសព្រហ្មទណ្ឌ ជុំវិញ​ហេតុការណ៍​នេះ​ដែរ​ឬ​ក៏​យ៉ាងណា?