អង្គការ​អ្នក​រាយការណ៍​គ្មាន​ព្រំ​ដែន(RSF)​ ស្នើ​រដ្ឋាភិ​បាល​កម្ពុជា​បញ្ឈប់​ការ​រំខាន​ប្រព័ន្ធ​ផ្សព្វ​ផ្សាយ​ជា​ភាសា​ខ្មែរ​ ចំនួន​៣​ ដែល​ឈរ​ជើង​នៅ​ក្រៅ​ប្រទេស​ ដោយ​ចាត់​ទុក​ថា​ ជា​ការ​ធ្វើ​ទុក្ខ​បុក​ម្នេញ​ដល់​ប្រព័ន្ធ​ផ្សព្វ​ផ្សាយ​ឯក​រាជ្យ បន្ទាប់​ពី​បាន​និរទេស​ចេញ​ពី​កម្ពុជា​។​ ការ​ស្នើ​យ៉ាង​ដូច្នេះ ​គឺ​យោង​ទៅ​លើ​សារ​ដែល​ចូល​ទៅ​វាយ​ប្រហារ​លើ​សារ​ព័ត៌​មាន​ទាំង​នេះ  ពី​សំណាក់​ក្រុម​មួយ​ដែល​គេ​ស្គាល់​ថា​ ជា​ក្រុម​MMO​។​ តែ​មន្ត្រី​រដ្ឋា​ភិបាល​កម្ពុជា​បដិសេធ​មិន​ជាប់​ពាក់​ព័ន្ធ​ឡើយ​ ហើយ​ចាត់​ទុក​ការ​លើក​ឡើង​របស់​អង្គការ​នោះថា ​លំអៀង​ទៅ​ក្រុម​ប្រ​ឆាំង​។​