កិច្ចប្រជុំរដ្ឋសភាពេញអង្គនឹងត្រូវជជែកនិងអនុម័តលើសេចក្តីព្រាងច្បាប់ធម្មនុញ្ញស្តីពីវិសោធនកម្មមាត្រាចំនួន៨នៅថ្ងៃព្រហស្បតិ៍នេះ ដែលបានស្នើឡើងដោយរដ្ឋាភិបាលកម្ពុជា។ មាត្រាទាំង៨នោះមានមាត្រា១៩ថ្មី(មួយ) មាត្រា៨៩ មាត្រា៩៨ថ្មី មាត្រា១០២ថ្មី មាត្រា១១៩ថ្មី(មួយ) មាត្រា១២៥ថ្មីនៃរដ្ឋធម្មនុញ្ញ និងមាត្រា៣ថ្មី និងមាត្រា៤ថ្មីនៃច្បាប់ធម្មនុញ្ញបន្ថែម។ ក៏ប៉ុន្តែកិច្ចប្រជុំសភាពេញអង្គនេះ ត្រូវបានស្នើឡើងដោយក្រុមអង្គការសង្គមស៊ីវិលជាង១០០អង្គការសមាគមកាលពីម្សិលមិញឲ្យរដ្ឋសភាពិចារណា និងផ្អាកការអនុម័តលើសេចក្តីព្រាងទាំងនេះ។