នៅ​ក្នុង​ប្រទេស​ចិន រដ្ឋាភិបាល​ទើប​បាន​ប្រសូត្រ​ចេញ​នូវ​ក្រុមហ៊ុន​ដ៏​ធំ​មួយ​ដើម្បី​គ្រប់គ្រង​លើ​ផលិកម្ម​លោហៈកម្រ។ លោហៈកម្រ​នេះ​ជា​រ៉ែ​ម្យ៉ាង​ដែល​ពិភពលោក​ត្រូវ​ការ​ចាំ​បាច់​ជា​រៀងរាល់​ថ្ងៃ​នៅ​ក្នុង​ការ​ផលិត​រថយន្ត​អគ្គិសនី ទូរស័ព្ទដៃ smartphones និង​កញ្ចក់​ទូរទស្សន៍ plasma។ តាម​រយៈ​ការ​បង្កើត​ឲ្យ​មាន​ក្រុមហ៊ុន​ដ៏​ធំ​ដើម្បី​គ្រប់គ្រង​លើ​ផលិកម្ម​លោហៈកម្រ​នេះ ចិន​នឹង​អាច​ដាក់​កម្រិត​កូតា​លើ​ការ​ផលិត ការ​នាំ​ចេញ និង​ការ​ប្រើ​លោហៈកម្រ​ជា​ឧបករណ៍​យុទ្ធសាស្រ្ត​នៅ​ក្នុង​សង្រ្គាមពាណិជ្ជកម្ម ពិសេស​ជា​មួយ​អាមេរិក។