សង្រ្គាម​រុស្ស៊ី​ឈ្លានពាន​អ៊ុយក្រែន​បាន​ឈាន​ចូល​ដល់ ១៣០ថ្ងៃ​នា​ថ្ងៃ​អាទិត្យ ទី៣ កក្កដា។ ទ័ព​រុស្ស៊ី​កំពុង​ពង្រឹង​ការ​ប្រយុទ្ធ​នៅ​ក្នុង​ខេត្ត​ចំនួន​ពីរ​ស្ថិត​ក្នុង​តំបន់​ដុនបាស់ គឺ​ខេត្ត​លូហាន និង​ខេត្ត​ដូនែត។ ក្រុម​អ្នក​ទាមទារ​ផ្តាច់ទឹកដីនិយម​គាំទ្រ​រុស្ស៊ី​បាន​ប្រកាស​ពី​ការ​ឡោមព័ទ្ធ​ទីក្រុង​លីស៊ីស្ហង់​របស់​ខេត្ត​លូហាន។ តែ​អ៊ុយក្រែន​ថា​ខ្លួន​កំពុង​បន្ត​គ្រប់គ្រង​ទីក្រុង​មួយ​នេះ។ ដោយឡែក ប្រទេស​បេឡារុស​ដែល​ជា​សម្ព័ន្ធមិត្ត​របស់​រុស្ស៊ី​បាន​ចោទ​អ៊ុយក្រែន​ពី​បទ​បាន​បាញ់គ្រាប់​មីស៊ីល​សំដៅ​លើ​ទឹកដី​បេឡារុស ហើយ​ប្រធានាធិបតី​បេឡារុស​លោក​លូកាឆេនកូ​បាន​គំរាម​សងសឹក​វិញ។