ចិន​កំពុង​បន្ត​គម្រោង « ផ្លូវ និង​ខ្សែក្រវ៉ាត់ » របស់​ខ្លួន​ដើម្បី​ត​ភ្ជាប់​ផ្លូវ​គោក និង​ផ្លូវ​សមុទ្រ​រវាង​ចិន​ទៅ​កាន់​ទ្វីប​អាស៊ី អឺរ៉ុប និង​អាហ្រ្វិក។ តែ​ប្រទេស​នៅ​តំបន់​មជ្ឈិមបូព៌ា​មិន​បាន​ស្ថិត​នៅ​ក្រៅ​គម្រោង « ផ្លូវ និង​ខ្សែក្រវ៉ាត់ » របស់​ចិន​ទេ។ ជាក់ស្តែង ប្រទេស​អ៊ីរ៉ាក់​ជា​ដៃគូ​ម្នាក់​របស់​ចិន​នៅ​ក្នុង​គម្រោង​មួយ​នេះ និង​កំពុង​ត្រូវ​ការ​វិនិយោគ​បរទេស​សម្រាប់​ការ​សាងសង់​ហេដ្ឋារចនាសម្ព័ន្ធ​ក្នុង​ស្រុក។ ក្នុង​ឆ្នាំ ២០១៩ ក្រុង​បាកដាដ និង​ក្រុង​ប៉េកាំង​បាន​ចុះ​ហត្ថលេខា​លើ​កិច្ចព្រមព្រៀង​មួយ​មាន​ឈ្មោះ « ប្រេង​ដូរ​នឹង​ការ​សាងសង់ »។ ក្រុម​អ្នក​វិភាគ​បាន​មើល​ឃើញ​ថា កិច្ចព្រមព្រៀង​មួយ​នេះ​អាច​ធ្វើ​ឲ្យ​អ៊ីរ៉ាក់​ធ្លាក់​ទៅ​ក្នុង​អន្ទាក់​បំណុល​របស់​ចិន។