នៅ​ក្នុង​ប្រទេស​អេមីរ៉ាតអារ៉ាប់រួម រាជទាយាទ​អាប៊ូ ដាប៊ី ម៉ូហាម៉េដ បេន ហ្សាយេដ​ត្រូវ​បាន​ឧត្តម​ក្រុមប្រឹក្សាសហព័ន្ធអេមីរ៉ាត​បោះឆ្នោត​តែងតាំង​ជា​ប្រធានាធិបតី​នា​ថ្ងៃ​សៅរ៍ ទី១៤ ឧសភា។ មាន​ព្រះជន្ម ៦១ព្រះវស្សា រាជទាយាទ​ម៉ូហាម៉េដ បេន ហ្សាយេដ​ឡើង​ជំនួស​កន្លែង​បងប្រុស​ព្រះអង្គម្ចាស់​កាលីហ្វា បេន ហ្សាយេដ អាល់ ណាយ៉ាន​ដែល​បាន​សោយ​ទិវង្គត​ក្នុង​ថ្ងៃ​សុក្រ ទី១៣ ឧសភា។ រដ្ឋាភិបាល​ក្រុង​អាប៊ូដាប៊ី​បាន​រៀបចំ​ពិធី​កាន់ទុក្ខ និង​បង្ហូត​ទង់ជាតិ​នៅ​ពាក់កណ្តាលដង​សម្រាប់​រយៈពេល ៤ថ្ងៃ។ មាន​ប្រមុខរដ្ឋ និង​ប្រមុខ​រដ្ឋាភិបាល​បរទេស​ខ្លះ​បាន​ផ្ញើ​សារ​ចូលរួម​រំលែក​ទុក និង​ខ្លះ​ទៀត​បាន​ធ្វើ​ដំណើរ​ទៅ​ចូល​រួម​ផ្ទាល់។ ហេតុអ្វី​បាន​ជា​មាន​ការ​តែងតាំង​ព្រះអង្គម្ចាស់​ម៉ូហាម៉េដ បេន ហ្សាយេដ និង​ថា តើ​រាជទាយាទ​អង្គ​នេះ​ជា​នរណា​ដែរ?។