សហភាព​អឺរ៉ុប​កាល​ពី​ថ្ងៃទី១៩​ ខែមេសា​កន្លង​ទៅ ​បាន​អនុម័ត​ច្បាប់​ហាម​ការ​នាំ​ចូល​ផលិតផល​ដែល​បាន​មក​ពី​ការ​ចូលរួម​កាប់​បំផ្លាញ​ព្រៃឈើ​ពី​ប្រទេស​នានា ​ខណៈ​ដែល​ផលិតផល​នាំ​ចូល​សហភាព​អឺរ៉ុប​បច្ចុប្បន្ន​ចំនួន​ ១៦%​ ជា​ផលិតផល​ដែល​បាន​មក​ពី​ការ​ចូល​រួម​កាប់​បំផ្លាញ​ព្រៃឈើ។ ​តាម​រយៈ​ច្បាប់​ថ្មី​របស់​សហភាព​អឺរ៉ុប​ដូច្នេះ ​ប្រទេស​កម្ពុជា​ក៏​ត្រូវ​មាន​ការ​ចាប់​អារម្មណ៍​ផង​ដែរ​ពី​សំណាក់​អ្នក​ពាក់ព័ន្ធ​នានា​ធ្វើ​យ៉ាង​ណា​គោរព​ទៅ​តាម​បទដ្ឋាន​របស់​អឺរ៉ុប​ បើ​ទោះ​ណា​បច្ចុប្បន្ន​កម្ពុជា​មិន​ត្រូវ​បាន​រក​ឃើញ​ថា​នាំ​ផលិតផល​ដែល​បាន​មក​ពី​ការ​ចូល​រួម​កាប់​បំផ្លាញ​ព្រៃឈើ​ដោយ​ផ្ទាល់​ចូល​ទីផ្សារ​អឺរ៉ុប​ក៏ដោយ។​