ចាប់តាំងពីពេលដែល​លោក​ពូទីន​ប្រកាស​កាត់​យក​តំបន់​ ៤ របស់​អ៊ុយក្រែន​ដាក់​បញ្ចូល​ទៅ​ក្នុងទឹកដី​រុស្ស៊ី ហើយ​គំរាម​ថា​នឹង​ប្រើ​អាវុធ​នុយក្លេអ៊ែរ ប្រសិនបើ​មាន​ការ​រំលោភ​លើ​អធិបតេយ្យ និង​បូរណភាព​ដែនដី​រុស្ស៊ី ក្តីបារម្ភ​មានកាន់តែខ្លាំង ខ្លាច​សង្គ្រាម​អ៊ុយក្រែន​បច្ចុប្បន្ន​នេះ ត្រូវ​រាលដាល​ទៅ​ជា​​ការ​ប្រឈម​មុខដាក់គ្នា​ដោយ​អាវុធ​នុយក្លេអ៊ែរ រវាង​រុស្ស៊ី និង​សហរដ្ឋ​អាមេរិក។ អាមេរិក​ធ្លាប់​បាន​ព្រមាន​រុស្ស៊ី​ទុកជាមុន​ថា រុស្ស៊ី​នឹង​ត្រូវ​រង​នូវ​ផលវិបាក​ធ្ងន់ធ្ងរ​ប្រសិន​បើ​ហ៊ាន​ប្រើ​អាវុធ​នុយក្លេអ៊ែរ ក៏ប៉ុន្តែ មិនបាន​បញ្ជាក់​ច្បាស់លាស់​នោះទេ​ថា តើ​ផលវិបាក​ធ្ងន់ធ្ងរនោះ​ គឺ​ជា​អ្វីពិតប្រាកដ។ តើ​អាមេរិក​អាច​ឆ្លើយតប​យ៉ាងណា​ចំពោះ​ការ​ប្រើ​អាវុធ​នុយក្លេអ៊ែរ​របស់​រុស្ស៊ី?