ប្រ​មុខ​រដ្ឋា​ភិបាល​កម្ពុជា​ លោក​ ហ៊ុន ម៉ាណែត ​បាន​សម្រេច​នៅ​ថ្ងៃ​ទី​២៦ សីហានេះ​បង្កើត​មូល​និធិ​មួយ​ឈ្មោះ «មូល​និធិ​កសាង​ហេដ្ឋា​រចនា​សម្ព័ន្ធ​តាម​ព្រំ​ដែន»​។​ កម្ម​វត្ថុ​គឺ​ដើម្បីកៀរ​គរ​ថវិកា​បន្ថែម​សម្រាប់​កសាង​ហេដ្ឋា​រចនា​សម្ព័ន្ធ​នៅតាម​បណ្តោយ​ព្រំ​ដែន​។​ នេះ​ជា​យុទ្ធសាស្ត្រថ្មី​របស់​រដ្ឋាភិ​បាល​ដែល​បើក​ឱកាស​ឱ្យ​ប្រជាពលរដ្ឋ​ខ្មែរ​អាច​ចូល​រួម​ជាមួយ​រដ្ឋាភិ​បាល​នៅ​ក្រោម​ហេតុ​ផល ​ការពារ ​និង​អភិវឌ្ឍ​ជាតិ​ «ក្នុងស្មារតី​មហា​សាមគ្គី​ជាតិ​ខ្មែរ»​។​ ភ្លាមៗ​បន្ទាប់​ពី​មានការ​សម្រេច​បង្កើត​មូល​និធិ​នេះ​ គេ​ឃើញ​មាន​សន្ទុះ​គាំទ្រ​ជា​បន្ត​បន្ទាប់​។​ តែ​ក្នុង​ពេល​ជា​មួយ​គ្នាក៏​មាន​មតិ​ខ្លះ​ចោទ​សួរ​ពី​របៀប​នៃ​ការ​គ្រប់​គ្រង​មូល​និធិ ​និង​ការ​ប្រើប្រាស់​ឲ្យ​មាន​តម្លា​ភាព​។​