ក្រសួង​សេដ្ឋកិច្ច​ និង​ហិរញ្ញវត្ថុ​កម្ពុជា​ឲ្យដឹង​កាល​ពី​ថ្ងៃ​ម្សិលមិញ​ថា​ កំណើន​សេដ្ឋកិច្ច​កម្ពុជា​ឆ្នាំ២០២១​នេះ​ នឹង​ខ្ពស់​ជាង​ការរំពឹង​ទុក​ ដែល​កាល​ពីពេល​កន្លង​មក​រដ្ឋាភិបាល​បាន​ព្យាករ​ថា​សេដ្ឋកិច្ច​កម្ពុជា​នឹង​មាន​កំណើន​២,៤%​ ហើយ​កំណើន​សេដ្ឋកិច្ច​នេះ​ នឹង​វិល​ទៅរក​ស្ថានភាព​ដើម​ក្នុង​រង្វង់​ ៧%​ នៅ​ឆ្នាំ​២០២៤។​ កំណើន​សេដ្ឋកិច្ច​កម្ពុជា​ឆ្នាំ២០២១​នេះ​ ត្រូវ​មន្ត្រី​ជាន់​ខ្ពស់​ក្រសួង​សេដ្ឋកិច្ច​បញ្ជាក់​ថា​បណ្តាល​មក​ពី​កត្តា​មួយ​ចំនួន​ដូច​ជា​កំណើន​នៃការ​នាំចេញ​វិស័យ​កាត់ដេរ​ទៅកាន់​ទីផ្សារ​អឺរ៉ុប​ និង​អាមេរិក​ កំណើន​នៃទំនិញ​មិនមែន​កាត់ដេរ​ កំណើន​នាំចេញ​កសិផល​ រួម​នឹង​ការដាក់​ចេញ​នូវ​វិធានការ​ផ្សេងៗ​ កន្លង​មក​ ដោយ​រដ្ឋាភិបាល​ផងដែរ។​