នៅសល់​តែ២ថ្ងៃ​ទៀត​ប៉ុណ្ណោះ​ ពិភពលោក​នឹង​ឈាន​ជើងមួយ​ជំហាន​ទៀតឆ្លង​ឆ្នាំចាស់​ ២០២១ ​ចូលឆ្នាំថ្មី​២០២២។​ ដោយ​ឡែក​ នៅ​ប្រទេស​កម្ពុជា​អ្នកតាម​ដាន​ និង​វិភាគ​នយោបាយ​ បាន​មើល​ឃើញ​ចំណុច​លេចធ្លោរ​ជាច្រើន​ ដែល​បាន​កើតឡើង​នៅលើ​ឆាក​នយោបាយ​ខ្មែរ​ឆ្នាំ២០២១​ ទាំង​បញ្ហា​នៅក្នុង​ស្រុក​ និង​បញ្ហា​ទាក់ទង​ទៅនឹង​តំបន់។​ ដោយ​ឡែក​ឆ្នាំ​២០២២​ ខាង​មុខនេះ​ បញ្ហា​នយោបាយ​ ត្រូវ​បាន​អ្នក​វិភាគ​មើលឃើញ​ថា​ នឹង​មាន​ភាព​សកម្មជាង​ឆ្នាំទៅ​ ដោយសារ​ជា​ឆ្នាំដែល​កម្ពុជា​រៀបចំ​បោះឆ្នោត​ ហើយ​ចង្អៀត​ណែន​ នៃ​ច្រកនយោបាយ ​ដែលនាំ​ទៅ​រកការ​ប្រជែង​អំណាច​គ្នា​ ទំនង​ជានឹង​អាច​បង្កភាព​ចំរូងចម្រាស​ខាង​នយោបាយ​ច្រើនជាង​ឆ្នាំ​ចាស់​ ទាំង​នៅក្នុង​ប្រទេស​ ទាំង​នៅក្នុង​តំបន់​និង​អន្តរជាតិ។​