ប្រមុខរដ្ឋាភិបាលកម្ពុជា នៅថ្ងៃទី២២ខែសីហាឆ្នាំ២០២៤ បានប្រកាសដាក់ចេញកម្មវិធីដែលមានឈ្មោះថា «ផ្ដល់ដី ការពារព្រៃ ដើម្បីរួមគ្នាអភិវឌ្ឍន៍ដោយចីរភាព»។ នេះគឺជាកម្មវិធីផ្តល់ដីសម្បទានសង្គមកិច្ចបែបថ្មី ដែលលោកនាយករដ្ឋមន្ត្រី ហ៊ុន ម៉ាណែត រំពឹងថានឹងអនុវត្តឲ្យបាននៅដំណាច់ឆ្នាំ២០២៤នេះ។ អ្នកធ្វើការខាងអភិបាលកិច្ចដីធ្លី បានសាទរនឹងកម្មវិធីនេះ តែពួកគេនៅបារម្ភពីការអនុវត្តជាក់ស្តែង ខ្លាចក្រែងមិនមានតម្លាភាព។