ភាពលូតលាស់នៃសេដ្ឋកិច្ចកម្ពុជាមួយផ្នែកធំ គឺពឹងផ្អែកជាសំខាន់ទៅលើវិស័យកសិកម្ម ឧស្សាហកម្ម ទេសចរណ៍ និងការវិនិយោគដោយផ្ទាល់ពីបរទេស ពិសេសលើវិស័យសំណង់។ តែយ៉ាងណា គេសង្កេតឃើញថា អ្នកវិនិយោគក្នុងស្រុកភាគច្រើនផ្តោតលើវិស័យអចលនទ្រព្យខ្លាំងជាជាងផ្តោតទៅលើវិស័យដែលមានតម្រូវការទាំងការប្រើប្រាស់ក្នុងស្រុក និងនាំចេញ។ អ្នកជំនាញផ្នែកសេដ្ឋកិច្ច និងឧកញ៉ាមួយចំនួនជំរុញឱ្យអ្នកជំនួញក្នុងស្រុកទាំងអស់គួរងាកទៅវិនិយោគលើវិស័យកសិកម្ម និងឧស្សាហកម្ម ពិសេសវិស័យទេសចរណ៍ ពីព្រោះវិស័យទាំង៣នេះ គឺជាវិស័យដែលជំរុញកំណើនសេដ្ឋកិច្ចបានលឿនរហ័ស និងមិនងាយរងហានិភ័យខ្ពស់។