តុលាការ​ខេត្ត​ចំនួន​៣ បាន​សម្រេច​ផ្តន្ទាទោស​មនុស្ស​៦​នាក់ ដាក់​ពន្ធនាគារ​ម្នាក់​មួយ​ឆ្នាំ និង​ផាក​ពិន័យ​លុយ​ម្នាក់​មួយ​លាន​រៀល ពី​បទ​បំពាន​បម្រាម​រដ្ឋាភិបាល​ដើម្បី​ទប់ស្កាត់​ការ​ឆ្លង​រាល់ដាល​ជំងឺ​កូវីដ-១៩ កាល​ពី​ថ្ងៃទី២០ មេសា។ សង្គម​ស៊ីវិល​យល់​ថា ការ​ចាត់​វិធានការ​លើ​ពលរដ្ឋ​ដែល​បំពាន​វិធាន​រដ្ឋបាល​នេះ គឺ​តឹងតែង​ពេក ប៉ុន្តែ​ទាមទារ​ឲ្យ​ពលរដ្ឋ​ត្រូវ​ចូលរួម​អនុវត្ត​ដោយ​ការ​អត់ធ្មត់​ទាំងអស់​គ្នា ដើម្បី​ទប់ស្កាត់​ការ​រាតត្បាត​ជំងឺ​នេះ។