ថ្ងៃសុក្រទី​៣០ធ្នូ តុលាការពិសេសភូមា​ នៅ​ក្រុងណៃពិដាវ បាន​បើក​សវនាការកាត់ទោសលោកស្រី អ៊ុងសាន ស៊ូជី ឲ្យជាប់ទោសពន្ធនាគារ​៧ឆ្នាំបន្ថែមទៀត ពីបទប្រព្រឹត្តិអំពើពុករលួយ។ នេះគឺជា​សវនាការចុងក្រោយ​ហើយ ដែលរបបសិកភូមា​ រួមជាមួយ​ប្រព័ន្ធតុលាការ បានរួមគ្នាដាក់បន្ទុក​ចោទ​ប្រកាន់​ទៅលើ​លោកស្រី អ៊ុងសាន ស៊ូជី ក្នុងបទចោទប្រកាន់ជាច្រើន​សន្ធឹក។ គិតជាសរុប លោកស្រីអ៊ុងសាន ស៊ូជី នឹងត្រូវមានទោសជាប់ពន្ធនាគារចំនួន​៣៣ឆ្នាំ​។